उत्तराखंड राज्य मा घूमण लैक जगा

उत्तराखंड देवभूमि छ, हिमालय कु घौर छ। यु पूरी दुन्या का पर्यटकों तै अपणी ओर लुभौदु छ। उत्तराखंड मा भौत पर्यटन स्थल छन, जु या त प्राकृतिक दृश्य का बाना  या धार्मिक महत्व का बाना  विश्व प्रसिद्ध  छन। यु पहाड़ी राज्य भौगोलिक रूप सी द्वी क्षेत्रों कुमौ अर गढ़वाल मा विभाजित छ। द्वी ही क्षेत्रों मा भौत पर्यटन स्थल छन।
मसूरी
मसूरी देहरादून विटि 34 किमी. दूर स्थित छ। या गढ़वालै पहाड़ी पर समुद्र तल सी 2003 मी. ऊंचै पर छ। मसूरी देश कु सबसी आकर्षक हिल स्टेशनों मा सी एक छ। हिंदुओं का मुख्य तीर्थस्थल, जनः केदारनाथ, गंगोत्री, बद्रीनाथ, हरिद्वार, यमुनोत्री अर ऋषिकेश यख विटि जादा दूर नीं छन।
मसूरी मा घूमण लैक  जगा यु छन
गन हिल्स
य मसूरी की दूसरी सबसी ऊंची चोटी छ। गन हिल्स सी हिमालै की खूबसूरती तै बड़ी नजीक सी निहारे जै सकदु छ। यख विटि  मुख्यतः बुंदेरपुंछ, पिथौड़ा श्रीकांत अर गंगोत्री ग्रुप करीब छन। यख विटि मसूरी शैर अर दून घाटी तै बर्ड व्यू (जन दृश्य चिड़िया तै ऊंचै सी दिखदु ) की तरां देखे सकदु छं।
म्यूनिसिपल ग्राउंड
यु पिकनिक खुणी बेहद खूबसूरत जगा छ। यख एक सुंदर बाग अर
कृत्रिम झील छ। झील मा नौका विहार कु मजा भी लिये जै सकदु छ।
चाइल्डर्स लॉज
यु मसूरी की सबसी ऊंची चोटी छ, जु लाल टिब्बा का नजीक छ। यु पर्यटन कार्यालय सी 5 किमी. दूरी पर छ। यख विटि  बर्फ का दृश्य देखण भैात रोमांचक अनुभव देंदु।
कैमल बैक रोड
कुल तीन किमी. लंबी य रोड रिंक हॉल का करीब कुलरी बाजार विटि शुरू होदी छ अर लाइब्रेरी बाजार पर जैकी खत्म हवै जांदी। ई सड़क कु सबसी बड़ु आकर्षण यख पर घुड़सवारी कन होदंु । यख एैकि हिमालै मा सूर्यास्त कु खूबसूरत दृश्य देखण कु मौका नीं गंवयु चैंद।
झड़ीपानी फॉल
यु फॉल मसूरी-झड़ीपानी रोड पर मसूरी विटि 8.5 किमी. दूरी पर स्थित छ। पर्यटक झड़ीपानी तक 7 किमी. की दूरी बस या कार सी तय कर सकदा  छनं। येका बाद अगला 1.5 किमी. पैदल चलिक फॉल तक पौछै सकदु छं।
भट्टा फॉल
यु फॉल मसूरी-देहरादून रोड पर मसूरी विटि 7 किमी. दूरी पर स्थित छ। क्वी भी मसूरी विटि बस या कार सी चार किलोमीटर दूर स्थित बाटला गाैं तक जै सकदा छन। येका बाद की 3 किमी. यात्रा पैदल चलिक पूरी करनी प्वडदी छ।
रानीखेत
राजा सुधारदेव की रानी पद्मावती उत्तराखंड का रानीखेत पर कभी मोहित हवैग्ये छैं। उन यु जगा देखण का बाद यखी ही अपणु आवास बणै  छौ। ये वास्ते य जगा  रानीखेत का नौ से जणे जादी। ई जगा विटि नंदा देवी (7817 मी.) समेत  बर्फन ठक्या मध्य हिमालै की चोटि अर जंगली जानवरों सी भ्वरयु घौणु जंगल साफ देखे जै सकदु छ।
रानीखेत का कुछ देखण  लैक जगा यु छन
झूला देवी मंदिर
यु देवी दुर्गा तै समर्पित यखौ कु  मंदिर छ। मंदिरै तराशी हुई घंटियां भौत सुंदर छन। येका नजीक ही भगवान राम कु मंदिर भी छ।
चौबटिया
चौबटिया बगीचों वास्ते प्रसिद्ध छ । यु रानीखेत विटि 10 किमी. दूरी पर छ अर मोटर-बाइक सी पौछे जै सकदा । यख सरकार द्वारा स्थापित फल संरक्षण केंद्र भी छ। आसमान साफ होण पर चौबटिया विटि हिमालै  30 किमी. फैल्या  बर्फ सी ढंकी चोटिं देखी जै सकदी छनं। नंदा देवी, नंदा घुंटी, त्रिशूल अर नीलकंठ की चोटि का यख विटि विहंगम दृश्य देखे जै सकदु छ। भालूडैम यख विटि तीन किमी. दूरी पर छ अर यांसे सटया एक सुंदर कृत्रिम झील छ।
उपट और कालिका
उपट यख विटि अल्मोड़ा रोड पर स्थित । यख नौ होल कु सुंदर गोल्फकोर्स छ। कालिका मा मां काली कु मंदिर छ। कालिका ये मंदिर अर हरी-भरी नर्सरी  वास्ते मशहूर छ।