उत्तराखण्ड विकास पार्टी न पहाड़ी जिलों मा स्वास्थ्य सुविधाओं तै ठीक करणक मांग कै

उत्तराखण्ड विकास पार्टी क सचिव – एडवोकेट जगदीश चन्द्र जोशी न बोली कि पहाड़ों मा स्वास्थ्य सुविधाओं क घोर अभाव ह्यूए गै च और बिंडी जगहों पर डॉक्टर तक नि छन। उन बोली कि नेतौं न देहरादून तै ही सब्बि धाणी समझ ल्ये च, जबकि उत्तराखण्ड क अधिकांश जनता पहाड़ों मा ही निवास करदी च।

उन बोली कि पहाड़ मा स्वास्थ्य सुविधाओं तै बेहतर बणाण कुंण भाजपा तै पूर्व चिकित्सा अधिकारियों क सेवायें लींण – चौन्द। एडवोकेट जगदीश चन्द्र जोशी न – बोली भाजपा रोज रोज प्रशासनिक सेवाओं क रिटायर्ड अधिकारियों तै आयोगों मा भर्ती करणी च मगर चिकित्सा ,

अधिकारियों क सेवायें लींणा मा कुई रुचि नि दिखाणी च, यह दुर्भाग्यपूर्ण स्थिति च। उन बोली कि एक निश्चित संख्या क बाद अगर जिला और बेस अस्पताल मरीजों तै पहाड़ बिटि मैदान मा रिफर करदा छन त वेक जाँच हूंण चौन्द कि रिफर किलै कै गै ?

अजकाल पहाड़ों क अस्पतालों मा रिफर एक फैशन जन ह्यूए गै च। उन बोली कि कुटद्वार मा एक सरकारी सुपर स्पेशलिटी हॉस्पिटल क जरूरत च। एडवोकेट जोशी न बोली कि हंस फाउंडेशन क भराड़ीसैंण अस्पताल क दगड़ी सरकार तै एक स्पेशल पैकेज तैयार करणु चौन्द ताकि पहाड़ क मरीज तै इलाज कुंण मैदान जाणक जरूरत नि पड़।